Bota po garon për të gjetur një vaksinë dhe trajtim të përshtatshëm për të luftuar kundër COVID-19.
Provat klinike të vaksinave tashmë janë duke u zhvilluar dhe që nga e Shtuna, OBSH ka miratuar provat e duhura klinike të ilaçeve tradicionale bimore afrikane. Shpresa është të gjesh një trajtim për koronavirusin, si dhe viruse të tjera.
Vendimi i OBSH inkurajon shumë provat klinike që janë të ngjashme me ato që drejtohen zakonisht në laboratorë në Azi, Evropë dhe Amerikë. Pra, edhe pse organizatat po miratojnë fazën 3 të provave klinike të ilaçeve bimore, këto duhet të jenë sa më të shëndosha shkencërisht.
Provat klinike të fazës 3 janë momenti kryesor gjatë kërkimeve mjekësore, pasi këto përcaktojnë nëse ilaçi do të përdoret gjerësisht në të gjithë botën. Ato ofrojnë prova se një ilaç i ri është efikas dhe i sigurt.
Fillimi i COVID-19, si shpërthimi i Ebola në Afrikën Perëndimore, ka nxjerrë në pah nevojën për sisteme të forcuara shëndetësore dhe programe të përshpejtuara të kërkimit dhe zhvillimit, përfshirë këtu edhe ilaçet tradicionale.
Në deklaratë, OBSH theksoi se nëse një nga këto ilaçe bimore tradicionale afrikane kalon në mënyrë të sigurt nëpër provat e fazës klinike 3, OBSH do ta rekomandojë atë për një prodhim lokal të gjurmuar, në shkallë të gjerë" shtoi Dr Tumusiime.
Siguria e pjesëmarrësve në këto prova klinike është thelbësore për OBSH dhe organizatat e tjera të lidhura. Kryetari i Komitetit të Ekspertëve siguroi në deklaratën e OBSH se Miratimi i dokumenteve teknike do të sigurojë që të krijohen prova klinike të pranueshme botërisht për efikasitetin e ilaçeve bimore për trajtimin e COVID-19.
